Friday, May 23, 2008

المو وتنيين عندهم حملة يديدة.....!!!؟




يعتزم تحالف المو وتنيين تنظيم حملة جديدة لمواكبة تطورات الاوضاع المحلية و العالمية

و الحلو في الامر انكم راح تشاركون بالحملة سواء شئتوا ام رغبتوا (ماكو امل تنحاشون) .......!!!؟

علشان جذي و لأن المو وتنيين يؤمنون بالشورى و الشورما فاننا ننعم عليكم بحرية الاختيار بين احدى هذه الحملات

حملة نبيها خمسة متر

يا جماعة الخمس متر احسن شي حق دشاديشنا، ما نبيها متر واحد و ننكشف و لا نبيها 25 متر و نضيع
الخمسة متر زينه

حملة ملاكي الحارس

تسمو باعلى معاني التضحية و البطولة حملة تدعو لنصرة الاحباب و الاصحاب في مواجهة الصعاب، و البطولة هذي اعتمدناها شعار للحملة علشان نؤصل فكر التضحية و التجرد من المصالح و التكسب الشخصي على حساب الغير

اختاروا يالله خل نشتغل




خلصت كلامي

Labels: , , , , , , , , , ,

posted by EXzombie at 5:55 PM

23 Comments:

اسمحلي

انا ضد الخمسة متر


نبيها وحدة ;p

بس عشان نددش بالتدريج على قولتكم

نبيها خمس
Blogger Maximilian, at 23 May, 2008 18:29  
انا مع حملة ملاكي الحارس قلبا و قالبا ...... بس اخاف يكتبون فيني بوست و يقولون عني مو وتني و متخلف و رجعي :(
Anonymous Anonymous, at 23 May, 2008 22:45  
ماكس يعني الحين تبيها مقصملة عليك و صايرة مثل التنورة.....!!!؟

المجهول

شلون راح يكتبون و محد يعرف منو انت

عادي كلنا متخلفون و كلنا رجعيون و كلنا مو وتنيون
Blogger EXzombie, at 23 May, 2008 22:56  
لا تطوفك حملة نبيها سعدون بس

ادري تحبه و تموت فيه

;P
Blogger NYchick, at 24 May, 2008 03:29  
كيفهم يسوون الي يبونه

اهم ما يبون يتعلمون و لا راح يتعلمون، و حملة السعدون سووها علشان تنسيهم هيصة التحالف

انا اتمنى من كل قلبي انه السعدون يفوز علشان اضحك على كل واحد فيهم بعدين لما يلقون الكرسي يترأس المجلس احسن منه

المشكلة انه كان بنفس الموقع من قبل و ما لقوا انجاز له بذيج الفترة غير انه المرحوم الشيخ سعد قام من مكانه و كلم المجلس.......!!!؟

ذكروني ببرادات العلمية و المستقلة

المهم صوتي و اختاري الحملة الي تبينها

صوتج عن اثنين لأنج عضو مؤسس
Blogger EXzombie, at 24 May, 2008 04:22  
5 meter
اقوى...ملاكي الحارس بيتهمونها انها تحريضية و شخصية

بس انا اقترح حملة خمسة باب

نادية الجندي و عادل امام

السعدون و الصقر
Blogger NYchick, at 24 May, 2008 10:39  
آنا بسوي حملة نبيها حجابات فندي
Blogger عمشة بنت صنيديح, at 24 May, 2008 10:39  
اهي راح تفرق معانا احنا حطينا صورهم مثال حي للبطولة و الشجاعة و التفاني و التضحية و الولاء و النقاء ما سبينا احد

بعدين مو شويه لما واحد يلجئون له اهو الملاك الحارس

حملة خمسة متر زينة و اغروني نسوي حملة نبيها اكلوا تبن الي الهمنا اياها الزميل المناضل كراكاتوا

انا اكره شي اسمه نادية جكر الجندي


الاخت عمشة

يبيلنا حملة نبيها دلاغي بلبسه بعد شوي

و حملة نبيها افتح الباب قبل لا تطلع من البيت
Blogger EXzombie, at 24 May, 2008 12:52  
وانت صاج اكزومبي

كل يوم والثاني خابينا بحملة غير شكل

السعدون والصقر والخرافي حاطين لهم صبيان وشويه يهالووه وطايحينله حملات ماصخة

العتب على الخرفان اللي مصدقينهم, والللي يبون يرزون روحهم عشان ينكتب عنهم بالجرايد


بس دام السالفة جذي, ما أنلام لو توكلت على الله وسويت حملة حجاباتي الفندي

دام المسئلة كلها تنفيع في تنفيع مع شوية استهبال واستغفال
Blogger عمشة بنت صنيديح, at 24 May, 2008 15:08  
فى قرائه مبدئيه للساحه الكويتيه يتضح ان حمله مثل نبيها 5 متر ستنعم بفشل ذريع و ذلك لان الاتجاة العام يمشى نحو تقصير الدشاديش اصلا

بعدين مانى فاهم ملاكى الحارس
هل الهدف توفير ملاك حارس للكل مواطن او للمواطنين الوطنيين فقط ؟
رجاء الايضاح
Blogger forzaq8, at 24 May, 2008 19:47  
عمشة

تكلمنا وايد بهالشغلة، سنتين و احنا نكتب و نضيع وقت، انا الحين راح الجأ لطريقة اخرى و اهي اهم يسوون الي يبونه و انا اسوي الي ابيه ان طلعت انا غلطان اعترف و ان طلعوا غلطانين راح اضحك

حملة حجابات فندي ما ندري شلون نشارك فيها بس اذا خليتي معاها غتر او شماغات فراح نشارك معاج

فورزا كويت

القراءة المنطقية مالها شغل بالاتجاه العام،احنا مو مستقصدين مقصملي الدشاديش احنا مستهدفين اشياء ثانية اقولها لك اليوم بسكايبي

حملة ملاكي القاهرة

راح نطلب فيها توريد و تصدير ملايكة حراس لكل مواطن عن طريق مطالبة نواب مجلسنا الموقر بتعديل الدستور بما يتوافق مع روح الحملة

ما اخترت للحين
Blogger EXzombie, at 24 May, 2008 21:33  
ملاكي الحارس

all the way

علشان اضحك على روحي لما صدقت كذاب، او على الاقل من لم يسند كلامه بتوثيق "اذا بصير لبقة!" يوازي حجم الفلم اللي شفناه و للأسف صدقناه و اختبينا و اخر شي! صمت محدق


و اعترض على خمسة متر؟! مجلسنا يتطلب ام 5سم تدري لزوم المهايط
Blogger Q80-Chill Girl, at 25 May, 2008 07:51  
ملاكي لك لاكي...

وحملة نبيكم تاكلون تبن..ترى راح تكسر الدنيا

بس مو وقتها الحين
Blogger KrakatoA, at 25 May, 2008 12:45  
شيقي

و الله كلنا انقص علينا

خمسة متر لحم اكتافنا منها


كراكاتوا

في اقتراح انه نبدي حملة نبيها دميثير

شرايك، اليوم بالليل راح ابدي اجهز شعاراتها
Blogger EXzombie, at 25 May, 2008 12:52  
اكزومبي معكم قلبا و قالبا فحملة نبيها دميثير و حق الشباب الكشخة حملها نبيها دمتري .... يازينه دميثير زينه الدنيا عنده سهالات بلحية و لا من غير لحية اموره سالكة و دربه خضر :)
Anonymous Anonymous, at 25 May, 2008 15:35  
ههههههههههههههههههههههه

عجبتني نبيها ديمتري

دميثير رجل فوق التشفير

دميثير صوت الكويت الأثير

دميثير رائد حركة التغيير

فقط مع دميثير

مع دميثير يرخص سعر العصير

مع دميثير ما تحاتي تنام على الحصير

دميثير فدى التغيير

دميثير لحية غانمة و ملمس كالحرير
Blogger EXzombie, at 25 May, 2008 20:23  
lol
ترى حدي ناطر حملة نبيها دميثير

يالله زتك ما بقى شي على انتخابات الرئاسة
:P

دميثير نصير المطلوب والفقير
Blogger راعي تنكر, at 26 May, 2008 00:52  
كومينسينغ زا كامبين

العمل جاري عليها و انشاء الله راح نبدي فيها قريبا
Blogger EXzombie, at 26 May, 2008 01:18  
دزولي صور متنوعة حق الدميتري

ترى النطق الصحيح
دميتري


اليوم بالليل
الانطلاقة

نبيها دميتري
Blogger Enter-Q8, at 26 May, 2008 13:46  
انا دزيت لك صور كونا حقه

و شرايك بحملة المشاهير لدعم دميتري
Blogger EXzombie, at 26 May, 2008 22:09  
انا معاكم في حملة نبيها دميثير

بس شرايك

العم ديميتري

على وزن العم..
ولا بلاش

عندي حساسية من لقب العم
Blogger NYchick, at 27 May, 2008 01:35  
اقول اي لون راح تعتمدون حق حملة نبيها دميثير ؟ علشان نتجهز من الحين و نشتري الخام بالنهاية هذا مب اي واحد هذا ذي ون اند اونلي دميثير :)
Anonymous Anonymous, at 27 May, 2008 03:14  
عمامهم زادوا اللهم زيد و بارك

و اقتراحج راح يتم النظر فيه و سيتم اعطائه الاولوية

انا اقول نبي لون ما استخدم من قبل في اي حملة.. شنو الالوان الي ما استخدموها من قبل.....؟!؟
Blogger EXzombie, at 27 May, 2008 03:26  

Add a comment