Labels: event, EXzombiesm, Kuwait, politics

Keep dreaming

في كل مرة يطوف
ويجد لنفسه الأسباب
يلفها ويفرها ويعدي
الا الرئاسية عصلقت معاه هاتريك
فهل يطقها السنة ويفوز
اربعة ثلاثة رئاسة على الخرافي

Dear Hasan,

Reality will take it's turn on the guy wait and see......!!!

العزيز عاجل

الاسباب ما تتكرر كل سنة، هالسنة شنو راح يوصله الانتخابات......؟!؟

حرام عليكم
السياره وهي اله تحتاج الى بانزين للأنطلاق وايضا الى البريك للتحكم
البانزين هم الشباب
والبريك حكمة الشياب

السعدون اضحى رمز للدستور بغض النظر عن شخصه نحن نتكلم عن تاريخه
انا شخصيا راح اعطيه صوت
ولايهمني مكلسن اوغيره انا يكفيني وقفته بدوانين الاثنين وانتصاره للدستور وهذا كافي

العزيز بو عمور

رموز الدستور صارت وايد، و صرنا نقدس كل من هب و دب و خليناهم فوق المحاسبة و فوق كل انتقاد، صحيح تاريخه مليء بالاحداث، و صحيح انه الكثير الكثير يحسب له، بس اخر 3 مجالس نيابية ترى اهو و الكرسي واحد، انا لما قلت اني ضده لأنه بصراحة هالوقت و الفترة هذي مو محتاجة السعدون، خلاص المفروض اهو و الخرافي و باجي الهياكل النيابية انها تحال للتقاعد، احنا محتاجين للشباب و فكرة انه الشباب ما راح يقدرون يسوون شي او انه الشباب ما راح يعرفون يلعبونها صح ترى فكرة خاطئة و بعيدة عن الواقع، شوف الساحة السياسية و راح تشوف الشباب اهم افضل من بامكانه التعامل مع مقدرات و متطلبات الشارع السياسي

و حكمة الشياب يقدرون يستفيدون منها بس من برة المجلس، انا بالنسبة لي تاريخ الشخص كمقياس للتصويت له لن يعني شيء ان كان لا يستطيع التعامل مع الاحداث الحالية......!!!؟

تحياتي

اعتقد ان سقوطه امر صعب نعم لن يأتي بالارقام التي يحلم بها ولن يكون رقم واحد في الدائرة لكن طايح..صعبة ياخوي

الا اذا الناس افتهمت وتركت مقولة هذا ماعهدنا عليه آباؤونا الاولون

العزيز بو طارق

الاسامي الي نازلة بالثالثة تقدر تطيحه، و اذا يلعب لعبته القديمة انه ياخذ من كل صوب ترى طيحته سهالات

صعبة
حيل حيل حيل حيل حيل حيل حيل حيل حيل حيل حيل حيل حيل حيل حيل حيل حيل حيل حيل حيل حيل حيل حيل حيل حيل حيل حيل حيل حيل حيل حيل حيل حيل حيل حيل حيل حيل حيل حيل حيل حيل حيل حيل حيل حيل حيل حيل حيل حيل حيل حيل حيل حيل حيل حيل حيل حيل حيل حيل حيل حيل حيل حيل حيل
يطيح

محد قدر يطيحه قبل .. تبيه احد يطيحه الحين ؟ شيوخ تكاتفوا عليه .. ولا قدروا له

نعم كبر بوعبدالعزيز، نعم عليه اخطاء، لكن افضل من غيره بالمجلس، ووجوده بالمجلس مطلوب، هو والعنجري والفضالة والشريعان لقيادة المجلس.

بعدين كنت اتمنى انك تحط صورته بس من غير كلمة "يسقط السعدون" كأنه احد اعداء الكويت

محد قدر يطيحه حزتها مو علشان اهو السوبرمان و البطل اقدع القدعان، اهو وصل لأنه الكويت وقفت معاه

تذكر شلون وصل المركز الثاني ورى علي الخلف قبل جم سنة، و منو ضحك عليه علشان يوصل.....؟!؟

و لوما نبيها خمس جان هم ما يطوف

تاريخه و نحترمه، و مواقفه و نقدرها، بس ما ياخذ وقته و وقت الي بعده، الوقت هذا للشباب

والخرافي معاه هم الخرافي كبر و لازم يوخر و يخلون الدماء الجديدة ؟


فاليسقط الأثنان معاااااااااااا


يطل للسعدون مواقف عديدة لا تنسى ؟ و لكن الخرافي لا أذكر ؟

فأن كنت ترغب بالاصلاح فأتمنى أن تضم الخرافي له ؟

الاخت باس

حياج الله بالبلوغ

انا ابي اعضاء المجلس المنحل كلهم يسقطون مو بس الخرافي و السعدون و الخرافي مو مقدس مثل السعدون بس هم لازم يطيح معاه

أذا تقول فاليسقط الأثنان


معا حط صورة الخرافي مع السعدون

ولا شنو رايك ؟؟

هل هو فرض علي انه اذا ابي احط صورة السعدون لازم احط صورة الخرافي علشان لا تزعلين.....؟!؟

اختي انا قاعد اقول لج ابيهم كلهم يطيحون مو بس السعدون، انتي اذا عندج صورة حق الخرافي نزليها عندج و لا اذا مستحية دزي لي اياها و انا انزلها لج، شنو المشكلة......؟!؟

ولو إن طيحته صعبه .. لكن أتمنى يسقط ..

أخي الفاضل .. في أي أزمة مرت على الكويت .. إبحث عن السعدون .. ستجده السبب فيها .. و يا ليت يقدم حلول .. بل يقدم الأزمات للكويت ..ودي أذكر من بطلت عيني إن السعدون قدم قانون عليه القيمه؟ .. جم سنة كان رئيس اللجنة الإسكانية ولا إقتراح ساهم في حل الأزمة بل زاد الطين بله إلى أن وصلنا بأن الواحد فينا ينسى يعيش في بيت ..

يا أخي إنتهازي درجة أولى .. كان رافض لحقوق المرأة لعلمه إن المايه مو مع المرأة و في تصويت اخر تغنى في دورها ..

يا أخي حتى في أزمة الحكم أراد أن يستغلها لصالحه الشخصي و أراد تمديد حالة اللااستقرار التي كانت تعيش فيها البلد لمدة شهر أو إثنين ...

يوقف ضد أهل الكويت في الإستجوابات ولا يظهر بالصورة بل يدز تابعه مسلم و يطلع اهوا بالزينه ...

يا أخي الرجل يفتعل الأزمة تلو الأخرى ليس من أجل شيء سوى لأنه لم يحصل على الرئاسة ..بس مو عشان مصلحة الكويت . .. لا عشان اهوا ما حصل اللي يبيه

أحد سمع حسه بالتأبين؟
تدرون ليش لأنه إنتهازي .. و لأنهاالموضوع مافيه شيوخ أو راس كبيره .. لذلك فهو ليس مغري بالنسبه له ..

أدري قرقت وايد بس بختم ..:)

إذا البعض عنده السعدون رمز .. أنا عندي رمز للإنتهازية و إنتهاك الدستور

وسلامتك :)

ملاحظة : ديربالك ترى ممكن تصير غير وطني لأنك مسيت ذات السعدون المصانة :)

الاخ العزيز بو تشخيص

حياك الله بالبلوغ، القبس حطوا اول امس مقارنة اداء نيابي للنواب السابقين، اهو كان من النواب الاقل تقديما للاقتراحات و غيره، و كلامك على راسي، و خذ راحتك البلوغ و راعيه لك

و عندنا مصطلح استحدث للحالة هذه و هو مصطلح "وتني" و "مو وتني"......!!!؟

و اعتقد الفرق واضح

تحياتي

ما أتفقنة أنك أتعصب ؟ أنا ضد السعدون و كاتبة بوست عنه و سوء أدائه ؟
http://bassq8.blogspot.com/2008/01/blog-post_21.html

و غرضي أن يسقط جميع الأنتهازيين من غير أستثناء ؟

فالمهم أن يكون مجلس خالي نسبيا من الوصاخة ؟

ههههههههههههههههههه

بالعكس اختي مو معصب، انا مثل ما قلت بالموضوع ابيهم كلهم يطيحون و اولهم السعدون، بالنسبة لي اهو اول واحد فيهم لازم يطلع، الخرافي و لا غيره راح يلحقونه بعد، و للعلم انا طلبت من زميلي يعمل لي اكثر من صورة لأني ما اعرف شي بالفوتوشوب، لا اكثر و لا اقل

و الحمدلله متفقين على الفكرة و المبدأ

تحياتي

ممتاز

أذا أنت ما تعرف شيء بالفوتوشوب


فأنا أمية :))


دمت بخير

يسلم راسك ..:)

أقول في مرشح إسمه محمد العنزي اخو خضير خذوه المباحث بعد مقابلة في قناة سكوب .. ما أشوف أحد تحجى من أمهات 36؟


ما علينا .. تصدق من كثر ما الناس سوت قدسية حق السعدون .. صار ممنوع تتكلم عنه ... عادي طب بالأمير ماكو مشكلة بس عنه لا ..

الله رحمنا إن ماكان رئيس المجلس يوم أزمة الحكم جان اشصار فينا!!

تحياتي :)

يا اخي حبيتك

هههههههههههههههههه

خضير الحين بيقولون لك خذوه علشان منتحل شخصية محامي مو علشان قط له جم كلمة.....!!!؟

شوف انت في عندك 3 ما تقرب منهم و لا ما تصير وتني

السعدون و النيباري و الخطيب، هذول ابياء منزلين على الكويت يورونا مدى تخلفنا، صحيح نقدرهم و نعتز فيهم، لكن انه اقدس احد فيهم و اعطيه كرامات و ابهر سوالفه على انه داس بمردان شيخ و الثاني انسى بلاويه على بو انه برتقالي، الدقة انه السعدون احنا ابتلشنا فيه بقرطبة و كان مطنش طول هالسنين لين صارت ارقام قرطبة و اليرموك اقوى من الخالدية، هني حس شوي على دمه و بدا يطل على الاوادم و يفتر

انبياء مو ابياء

بعد إنضم لهم الحين عبداللطيف الدعيج ..

السعدون الحين بدائرتي .. إنشالله نوريه الشغل السنع ..

ههههه أدري شنو يبط جبدك .. لما إييك واحد يقولك العم أحمد السعدون الرمز الوطني .. عمت عينه والله ..

و الثاني خرف على اخر أيامه يقولك طق فلان بوكس .. و الثاني طارله كوع على بطنه والمشكله كلهم ميتين .. من تسأل.؟..
وسبحان الله ما تصير البطولة إلا على أفا شيخ .. مادري نقص مادري فشخره ..

يا عمي خلها على الله

طبعا اهما اللي يفتهمون إحنا ما نفتهم .. ما تشوف من مات سامي المنيس رحمة الله عليه قاموا يشوفون المجلس بالقناة الرابعة بالتلفزيون.؟

ناس عبالها تقود الجماهير و اهما ما عندهم إلا الفلس ..

شكرا على إضافة مدونتي هذه ثقة و شي أعتز فيه

العفو و هذا واجبنا

zeen wetha faz sheno ra7 etsawy!? 2ana ely ba3arfa shay wa7ed leesh matogaf m3a mrasha7 bedal latogaf thed morasha7? bayenlena wejhat natharek eb shakh9 o 36a eda3m ely yeste7eqa bedal latogaf eb wayh wa7ed chena ohwa wagef 3ala 9otek

اول شي فاز و لا قعد مو على قلبي، لكن راح ياخذ مكان اهو ما يستحقه، و اذا فاز راح اعزمج على عشا

انا من الاول قاعد اقول خل نعطي الفرصة للشباب، الهياكل العظمية من طقة السعدون و الخرافي و من طقتهم المفروض يحالون على التقاعد، الشباب هذا وقتهم

بعدين شنو المشكلة اذا ما عجبني مرشح معين و قلت انه مو كفو يوصل المجلس بالنهاية هذي قناعة و رأي ما اظن اني فرضته عليكم علشان تفرضون علي رايكم.....!!!؟

المفروض كل واحد يستخدم مخه و يختار على اساس مصلحة البلد و الافضلية، مو انطر احد يقول لي شنو بتختار، وبعدين اي يوقف على صوتي شنو مضايقج.....؟!؟

و يا ريت تقولين لي شنو معاييرج باختيار السعدون، على اي اساس راح تختارينه، نورينا يمكن نهتدي......؟!؟

1 mawaqfa men amlak edawla
2 ta3deela qanoun 7emayat el-mostaqlek o e7alat 200+ shareka erf3at elas3ar ley elma7kama
3 qathaya eleskan ely loma 7al elmajles chan tewaza3at akthar men 1000 we7da sakaneya khelal 2008
4 maghab 3an wala jalsa men edawra eli 6afat 2006
5 eltezama belqawaneen 7eta lo kan 3ala e7sab masla7ta (ta3deel na9 qanoon ereyatha)
6 mo bas moshare3 ela momares ledestoor men senat 75
7 dakhal elmajles meqteder o makan tharweta men wara elkersy
8 mawaqfa men 7eqoul eshamal wena lazem etqoum 3ala asas kuwaiti mo enbee3 tharwat elbalad
9 na3am me7tajeen shabab bas shabab bedoon guidance mayenfa3